طالما نويت تشتغل بنظام الفريلانس لبقية عمرك يبقى لازم تاخد بالك من إن مينفعش تفضل تشتغل على شاشة وكيبورد اللاب...
وإلا بعد سنتين بس هتبقى بتزور المستشفى أكتر ما بتقعد فالبيت من مشاكل الديسك والرقبة وآلام أسفل الظهر ده طبعا بجانب نظرك الى هيضيع... لذلك في رأيي لازم يكون من أولوياتك تجيب شاشة ( LED - لا تقل عن 22 بوصة - IPS - ويفضل ميقلش فيها عدد البكسلز لكل بوصة PPI عن 96) وكيبورد وماوس خارجي وكرسي محترم وتظبط شيء مشابه للى في الصورة ده (شاشة واحدة كبيرة بس بتوصلها باللاب وتفصل شاشة اللاب وبيتحول لكيسة)، بحيث يبقى أقل مسافة بين عينك وبين الشاشة 40 إلى 50 سم وتكون كبيرة وإضائتها LED مش إضاءة اللاب الموفرة الى بتعمي الواحد والكيبورد يبقى واسع وتقدر تريح إيديك عليه مش زي بتاع اللاب الضيق الصغير الى غالبًا هيجبلك متلازمة النفق الرسغي... وبجانب ده كله طبعًا لازم تعمل رياضة يومية الصبح روتين خفيف كدة يخليك يا دوب تبدأ تعرق وجسمك يسخن عشان القعدة هتجيبلك كل أنواع الأمراض الى ممكن تتخيلها بالنظر إلى أنك غالبا بتأكل أكل غير صحي يعني فكمان ياريت تخف منه لأنك قليل الحركة... أنا عارف إن الحاجات دي هتكلف بس صدقني هتصرف أكتر بكتير على العلاج لو تجاهلت الكلام ده وهتندم... افتكر ديما أنك كفريلانسر لا ليك تأمين ولا معاش فصحتك هي ثروتك، لو ضاعت هتضيع معاها... 😁 دمتم سالمين وبلا كروش لقراءة كل مشاركات قسم صحة الفريلانسر https://www.facebook.com/groups/1208095895911228/post_tags/?post_tag_id=2085741818146627
0 Comments
Leave a Reply. |
Ali Mohamed Magdy
Audiovisual Translator, Reviewer and an SDH Captioner at several reputable media translation agencies. ArchivesCategories |